Shkarkohet drejtori i Institutit të Sigurisë Ushqimore

23:35 | 30 Prill 2019
L G

Pas denoncimeve të bëra publike ditët e fundit për produktet bujqësore dhe ushqimore me hormone, ka ardhur dhe lëvizja e parë nga qeveria.

Siç mësohet sot, është shkarkuar nga detyra Pëllumb Aleksi, i cili mbante postin e drejtorit të Institutit të Sigurisë Ushqimore dhe Veterinarisë.

Më tej mësohet se në vend të tij është emëruar Armand Reveli, që mbante postin e nëndrejtorit të Doganave.
Këto lëvizje në ISUV kanë ardhur pas denoncimeve të bëra publike në media dhe nga qytetarë të ndryshëm, se produktet bujqësore në Shqipëri kishin hormone. Nga denoncimet bëhet me dije se produkteve të ndryshme u hidhej 4 fishi i dozës së hormonit apo edhe mishi i kafshëve të sëmura që bëhej ushqim në burgje apo sallam./TCH

Shpërndaje në rrjete sociale

Lajmet më të lexuara

Të ngjashme

Foto lajm